|
|
09.
baraso.n
ke baad dekhaa ik shaKhs dilarubaa saa
ab zahan
me.n nahii.n hai par naam thaa bhalaa saa
abaruu
khi.nche khi.nche se aa.Nkhe.n jhukii jhukii sii
baate.n
rukii rukii sii lahajaa thakaa thakaa saa
alfaaz
the ke juganuu aavaaz ke safar me.n
ban jaae
ja.ngalo.n me.n jis tarah raastaa saa
Khvaabo.n
me.n Khvaab usake yaado.n me.n yaad usakii
nii.ndo.n
me.n ghul gayaa ho jaise ke ratajagaa saa
pahale
bhii log aae kitane hii zi.ndagii me.n
vo har
tarah se lekin auro.n se thaa judaa saa
agalii
muhabbato.n ne vo naa-muraadiyaa.N dii.n
taazaa
rafaaqato.n se dil thaa Daraa Daraa saa
kuchh
ye ke muddato.n se ham bhii nahi.n the roye
kuchh
zahar me.n bujhaa thaa ahabaab kaa dilaasaa
phir yuu.N
huaa ke saavan aa.Nkho.n me.n aa base the
phir yuu.N
huaa ke jaise dil bhii thaa aabalaa saa
ab sach
kahe.n to yaaro ham ko Khabar nahii.n thii
ban jaegaa
qayaamat ik vaaqiaa zaraa saa
tevar
the beruKhii ke a.ndaaz dostii ke
vo ajanabii
thaa lekin lagataa thaa aashnaa saa
ham dasht
the ke dariyaa ham zahar the ke amrit
nahaq
thaa zo.Num ham ko jab vo nahii.n thaa pyaasaa
ham ne
bhii us ko dekhaa kal shaam ittefaaqan
apanaa
bhii haal hai ab logo 'Faraz' kaa saa
| Page |
| 1 2 3 4 5 7 8 9 10 11 12 13 14 15 16 17 18 19 20 21 22 23 24 25 26 27 28 |