42.

 

mu.ntazir kab se tahayyur hai terii taqariir kaa

baat kar tujh par gumaa.N hone lagaa tasviir kaa

[mu.ntazir = waiting; tahayyur = amazement; taqariir = speech]

raat kyaa soye ki baaqii umr kii nii.nd u.D ga_ii

Khvaab kyaa dekhaa ki dha.Dakaa lag gayaa taabiir kaa

[taabiir = reality] jaane tuu kis aalam me.n bichha.Daa hai ki tere baGair

aaj tak har lafz fariyaadii merii tahariir kaa

[tahariir = writing]

jis tarah baadal kaa saayaa pyaas bha.Dakaataa rahe

mai.n ne vo aalam bhii dekhaa hai terii tasviir kaa

kis tarah paayaa tujhe phir kis tarah khoyaa tujhe

mujh saa mu.nkir bhii to qaayal ho gayaa taqadiir kaa

[mu.nkir = atheist; qaayal honaa = to be a fan/follower]

ishq me.n sar pho.Danaa bhii kyaa ke ye be-meher log

juu-e-Khuu.N ko naam dete hai.n juu-e-shiir kaa

jis ko bhii chaahaa use shiddat se chaahaa hai "Faraz"

sil-silaa TuuTaa nahii.n dard kii za.njiir kaa

 

 

 

 

 

 

43.

 

i.nhii.n Khush-gumaaniyo.n me.n kahii.n jaa.N se bhii na jaao

vo jo chaaraagar nahii.n hai use zaKhm kyuu.N dhikhaao

ye udaasiyo.n ke mausam kahii.n raayegaa.N na jaaye.N

kisii zaKhm ko kuredo kisii dard ko jagaao

vo kahaaniyaa.N adhuurii jo na ho sake.ngii puurii

u.nhe.n mai.n bhii kyuu.N sunaauu.N u.nhe.n tum bhii kyuu.N sunaao

mere ham-safar puraane mere aab bhii mu.ntazir hai.n

tumhe.n saath chho.Danaa hai to abhii se chho.D jaao

ye judaa_iiyo.n ke raste ba.Dii duur tak gaye hai.n

jo gayaa vo phir na lauTaa merii baat maan jaao

kisii bevafaa kii Khaatir ye junuu.N "Faraz" kab tak

jo tumhe.n bhulaa chukaa hai use tum bhii bhuul jaao

 

 

Page

1 2 3 4 5 6 7 8 9 10 11 12 13 14 15 16 17 18 19 20 21 22 23 25 26 27 28