|
|
26.
us ne
sukuut-e-shab me.n bhii apanaa payaam rakh diyaa
hijr kii
raat baam par maah-e-tamaam rakh diyaa
aamad-e-dost
kii naviid kuu-e-vafaa me.n aam thii
mai.ne
bhii ik chiraaG saa dil sar-e-shaam rakh diyaa
dekho
ye mere Khvaab the, dekho ye mere zaKhm hai.n
mai.n
ne to sab hisaab-e-jaa.N barasar-e-aam rakh diyaa
us ne
nazar nazar me.n hii aise bhale suKhan kahe
mai.n
ne to us ke paa.No.n me.n saaraa kalaam rakh diyaa
shiddat-e-tashnagii
me.n bhii Gairat-e-maikashii rahii
us ne
jo pher lii nazar mai.n ne bhii jaam rakh diya
aur "Faraz"
chaahiiye kitanii mohabbate.n tujhe
ke maao.N
ne tere naam par bachcho.n ka naam rakh diyaa
27.
ye aalam
shauq kaa dekhaa na jaae
vo but
hai yaa Khudaa dekhaa na jaae
ye kin
nazaro.n se tum ne aaj dekhaa
ke teraa
dekhanaa dekha naa jaae
hameshaa
ke liye mujh se bichha.D jaa
ye ma.nzar
baarahaa dekhaa na jaae
galat
hai jo sunaa, par aazamaa kar
tujhe
ai baa-vafaa dekhaa na jaae
ye maharuum
hii nahii.n, paas-e-vafaa hai
koii tere
sivaa dekhaa na jaae
"Faraz"
apane sivaa hai kaun teraa
tujhe
tujhase judaa dekhaa na jaae
| Page |
| 1 2 3 4 5 6 7 8 9 10 11 12 13 14 15 17 18 19 20 21 22 23 24 25 26 27 28 |