|
|
48.
sunaa
hai log use aa.Nkh bhar ke dekhate hai.n
so us
ke shahar me.n kuchh din Thahar ke dekhate hai.n
sunaa
hai rabt hai usako Kharaab haalo.n se
so apane
aap ko barbaad karake dekhate hai.n
[rabt
= closeness/relation]
sunaa
hai dard kii gaahak hai chashm-e-naazuk usakii
so ham
bhii usakii galii se guzar kar dekhate hai.n
[gaahak
= customer]
sunaa
hai usako bhii hai sher-o-shaayarii se shagaf
so ham
bhii maujaze apane hunar ke dekhate hai.n
[shagaf
= passion]
sunaa
hai bole to baato.n se phuul jha.Date hai.n
ye baat
hai to chalo baat kar ke dekhate hai.n
sunaa
hai raat use chaa.Nd takataa rahataa hai
sitaare
baam-e-falak se utar kar dekhate hai.n
sunaa
hai hashr hai.n usakii Gazaal sii aa.Nkhe.n
sunaa
hai usako hiran dasht bhar ke dekhate hai.n
sunaa
hai din ko use titaliyaa.N sataatii hai.n
sunaa
hai raat ko juganuu Thahar ke dekhate hai.n
sunaa
hai raat se ba.Dh kar hai.n kaakule.n us kii
sunaa
hai shaam ko saaye guzar ke dekhate hai.n
sunaa
hai usakii siyaah chashmagii qayaamat hai
si usako
surmaafarosh aa.Nkh bhar ke dekhate hai.n
sunaa
hai usake labo.n se gulaab jalate hai.n
so ham
bahaar par ilzaam dhar ke dekhate hai.n
sunaa
hai aa_iinaa tamasaal hai jabii.n usakaa
jo saadaa
dil hai.n ban sa.Nvar ke dekhate hai.n
sunaa
hai jab se hamaa_il hai.n us kii gardan me.n
mizaaj
aur hii laal-o-gauhar ke dekhate hai.n
[hamaail
= something to wear around the neck]
sunaa
hai chashm-e-tasavvur se dasht-e-imkaan me.n
pala.ng
zaave us kii kamar ke dekhate hai.n
[zaave
= angles]
sunaa
hai usake badan ke taraash aise hai.n
ke phuul
apanii qabaae.N katar ke dekhate hai.n
vo sarv-qad
hai magar be-gul-e-muraad nahii.n
ke us
shajar pe shaguufe samar ke dekhate hai.n
[sarv-qad
= tall and graceful; shaguufe = bud; samar = fruit]
bas ek
nigaah se luTataa hai qaafilaa dil kaa
so rah-ravaan-e-tamannaa
bhii Dar ke dekhate hai.n
[rah-ravaa.N
= travellers]
sunaa
hai us ke shabistaan se muttasil hai bahisht
makiin
udhar ke bhii jalave idhar ke dekhate hai.n
[shabistan
= bedroom; muttasil = near; makiin = tenant]
ruke to
gardishe.n usakaa tavaaf karatii hai.n
chale
to usako zamaane Thahar ke dekhate hai.n
kise nasiib
ke be-pairahan use dekhe
kabhii
kabhii dar-o-diivaar ghar ke dekhate hai.n
[be-pairahan
= without clothes]
kahaaniyaa.N
hii.n sahii sab mubaalaGe hii sahii
agar vo
Khvaab hai taabiir kar ke dekhate hai.n
[mubaalaGe
= beyond one's limits]
ab usake
shehar me.n Thahare.n ki kuuch kar jaae.N
"Faraz"
aao sitaare safar ke dekhate hai.n
| Page |
| 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 28 |