|
|
23.
tuu paas
bhii ho to dil beqaraar apanaa hai
ke ham
ko teraa nahii.n intazaar apanaa hai
mile koii
bhii teraa zikr chhe.D dete hai.n
ke jaise
saaraa jahaa.N raazadaar apanaa hai
vo duur
ho to bajaa tark-e-dostii kaa Khayaal
vo saamane
ho to kab iKhtiyaar apanaa hai
zamaane
bhar ke dukho.n ko lagaa liyaa dil se
is aasare
pe ke ik Gam_gusaar apanaa hai
"Faraz"
raahat-e-jaa.N bhii vahii hai kyaa kiije
vo jis
ke haath se siinaa fiGaar apanaa hai
24.
sholaa
thaa jal-bujhaa huu.N havaae.n mujhe na do
mai.n
kab kaa jaa chukaa huu.N sadaae.n mujhe na do
jo zahar
pii chukaa huu.N tumhii.n ne mujhe diyaa
ab tum
to zi.ndagii kii duaae.n mujhe na do
aisaa
kahii.n na ho ke palaTakar na aa sakuu.N
har baar
duur jaa ke sadaae.n mujhe na do
kab mujhako
aiteraaf-e-muhabbat na thaa "Faraaz"
kab mai.n
ne ye kahaa thaa sazaae.n mujhe na do
25.
tum bhi
Khafaa ho log bhii baraham hai.n dosto
ab ho
chalaa yaqii.n ke bure ham hai.n dosto
kis ko
hamaare haal se nisbat hai kyaa kare.n
aa.Nkhe.n
to dushmano.n kii bhii pu-nam hai.n dosto
apane
sivaa hamaare na hone kaa Gam kise
apanii
talaash me.n to ham hii ham hai.n dosto
kuchh
aaj shaam hii se hai dil bhii bujhaa bujhaa
kuchh
shahar ke chiraaG bhii maddham hai.n dosto
is shahar-e-aarazuu
se bhi baahar nikal chalo
ab dil
kii raunaqe.n bhii ko_ii dam hai.n dosto
sab kuchh
sahii 'Faraz' par itanaa zaruur hai
duniyaa
me.n aise log bahut kam hai.n dosto
| Page |
| 1 2 3 4 5 6 7 8 9 10 11 12 13 14 16 17 18 19 20 21 22 23 24 25 26 27 28 |